4 сентябрь куни Бухоро вилоятининг “Боғидашт” қишлоғидаги марказий канализация қувурида 5 нафар ишчи ҳалок бўлди.
Улар янги қурилаётган кўп қаватли уйларнинг канализация тизимини улаш пайтида хавфсизлик чораларига риоя қилмаган ҳолда қувурга тушиб кетган.
Воқеа оқибатида 3 нафар ишчининг жасади топилган, қолган 2 нафар фуқаро ҳозиргача қидирилмоқда.
Ҳодиса “Ўрта Осиё қурилиш” МЧЖга қарашли кран ҳайдовчисининг рухсатсиз равишда 8 метр чуқурликдаги, диаметри 1 метрли қувур қопқоғини очиб қўйиши натижасида содир бўлган. Кучли оқим сабабли ишчилар оқова сувга ғарқ бўлган.
Воқеа юзасидан жиноят иши қўзғатилиб, дастлабки тергов ишлари олиб борилмоқда.
