АҚШнинг собиқ вице-президенти ва Демократик партиядан президентликка собиқ номзод Камала Харрис энди расмий ҳимоясиз қолди.
“Los Angeles Times” хабарига кўра, 6 сентябрь куни Лос-Анжелес полицияси унинг хавфсизлигини таъминлашни тўхтатган.
Бунга жамоатчилик норозилиги ва полиция ресурсларининг самарасиз ишлатилгани ҳақидаги эътирозлар сабаб бўлган.
Полиция касаба уюшмаси буни “оддий аҳолининг хавфсизлиги ҳисобига мультимиллионер, сиёсий саҳнадан четга чиққан номзодни ҳимоя қилиш – жиннилик”, деб баҳолаган.
Аввалроқ, 5-сентябрь куни “Los Angeles Times” газетаси Камала Харрис давлат ҳимоясидан — яъни АҚШ Махфий хизматидан маҳрум қилингани, сўнг эса маҳаллий полиция вақтинча қўриқлашни зиммасига олганини маълум қилганди.
Ушбу қарор Трамп томонидан август ойининг охирида чиқарилган бўлиб, собиқ вице-президент эндиликда ҳар қандай расмий ҳимоясиз қолган.
