Жорий йилнинг 10 сентябрь куни кечқурун Исроил ҳаво кучлари Яман пойтахти Сана ҳамда Аль-Жауф вилоятларига йирик авиацион ҳужум уюштирди.
Яман Соғлиқни сақлаш вазирлигининг маълумотига кўра, зарбалар оқибатида 35 киши ҳалок бўлган, 130 дан ортиқ фуқаро турли даражадаги тан жароҳатларини олган.
Пойтахт Санадаги ҳужумлар 28 кишининг умрига зомин бўлган, 113 киши жароҳатланган. Аль-Жауфдаги зарбаларда эса 7 киши ҳалок бўлган, 18 киши яраланган. Ҳужумлар асосан ҳусийларга қарашли ҳарбий объектлар, ёнилғи омборлари ва қўмондонлик пунктларига қаратилган бўлса-да, вайроналар остидан оддий фуқаролар жасадлари ҳам топилмоқда.
Исроил бу ҳаракатларини ҳусийлар томонидан уюштирилган дрон ва ракета ҳужумларига жавобан амалга оширганини маълум қилган. 10 та ҳарбий самолёт томонидан 15 та нишонга 30 дан ортиқ бомба ташланган.
Қайд этилишича, бу — Исроилнинг Ямандаги энг йирик авиазарбаларидан бири бўлган. Ҳужум ортидан ҳусийлар Қуддус яқинидаги объектларга ракета отганини билдирган, бироқ бу маълумот Исроил томонидан тасдиқланмаган.
