Green Card’га ариза топшириш учун 1 доллар тўлов жорий этилади. Бу ҳақда АҚШ Давлат департаменти маълум қилди.
Унга кўра, департаменти 16 сентябрь куни Diversity Visa (ДВ) яъни Green Cардъга ариза топшириш учун 1 доллар тўлов жорий этилишини маълум қилди. Жорий этилаётган тўлов электрон шаклда, рўйхатдан ўтиш вақтида ундирилиши кўзда тутилган. Департамент ҳисоб-китобларига кўра, ушбу ташаббус орқали тахминан 25 миллион доллар маблағ фойда кўрилиши кутилмоқда.
“Бу ўзгариш, лотереяда иштирок этмоқчи бўлганларга харажатларни тенг тақсимлаш имконини беради. Энди бу харажатлар фақатгина ғолиб бўлган кам сонли иштирокчиларга эмас, балки барча рўйхатдан ўтганларга тааллуқли бўлади”, — дейилади расмий баёнотда.
Тўлов 2025 йил октябрь ойи бошида бошланиши кутилаётган Green Card-2027 учун жорий этилади. Ариза топшириш санаси ҳали расман эълон қилинмаган бўлса-да, яқин орада АҚШ Давлат департаментининг расмий сайти ва Федерал реестрда тўлиқ маълумот — ариза топшириш муддатлари, иштирок этиш талаблари ҳамда қайси давлат фуқаролари қатнаша олиши ҳақида эълон қилинади.
