Буюк Британия ҳукумати АҚШ собиқ президенти Дональд Трампнинг қиролликка ташрифи тугаши билан Фаластинни мустақил давлат сифатида тан олишга тайёрланмоқда.
“Тhе Times” нашрига кўра, Бош вазир Кир Стармер бу масалани Трамп кетгунига қадар кечиктириб турган.
Манбага кўра, 18 сентябрга режалаштирилган қўшма матбуот анжуманида бу мавзу асосий масалага айланишидан хавотирланган Стармер, Трамп олдида Фаластин борасида баёнот беришни истамаган. АҚШ маъмурияти эса Фаластинни тан олишга қатъий қарши экани таъкидланган.
Британиянинг ушбу қарорни БМТ Бош ассамблеяси сессияси олдидан эълон қилиши кутилмоқда. Сессияда, шунингдек, Франция, Канада, Австралия каби давлатлар ҳам Фаластинни тан олишини эълон қилиши мумкин.
Июль ойида Стармер Исроил Ғазодаги ҳарбий ҳаракатларни тўхтатмаса, Британия Фаластинни сентябрда тан олишини билдирганди. Исроил эса бунга жавобан Лондон билан мудофаа ва хавфсизлик ҳамкорлигини тўхтатиши мумкинлигини эслатган.
Бугунги кунда 140 дан ортиқ давлат Фаластинни тан олган. Британия ҳукумати эса бу қадамни узоқ муддатли тинчликка эришиш йўлидаги муҳим қадам деб ҳисоблайди.
