Россиянинг Белгород шаҳрида иссиқлик электр станциясига зарба берилгач, бутун шаҳар электр таъминотисиз қолди.
28 сентябрь куни кечқурун бир нечта кучли портлаш юз бериб, натижада Белгород ТЕС ва “Луч” электр станцияси ишдан чиққани айтилмоқда. Ҳодисадан сўнг шаҳар бўйлаб электр, сув ва интернет узилиб, жамоат транспорти ҳамда светофорлар тўхтаб қолди. Дўконларнинг аксарияти ёпилди ёки фақат нақд пул билан хизмат қилмоқда.
Вилоят губернатори Вячеслав Гладков зарба оқибатида инфратузилмада жиддий муаммолар юзага келганини тасдиқлади ва зарур объектлар захира генерацияга уланганини билдирди.
