АҚШнинг президенти Дональд Трамп Ғазода тинчликка эришиш учун радикал ислоҳотларни ўз ичига олган кенг қамровли 20 банддан иборат режа таклиф қилди.
Режа урушни тўхтатиш, гаровдагиларни озод қилиш ва минтақани қайта тиклашни ўз ичига олади.
1-қисмга кўра, Ғазо радикализмдан холи, терроризмсиз ҳудудга айлантирилиши керак. Уруш бартараф этилиши билан ёрдам гуманитар ташкилотлар орқали ҳеч қандай тўсиқларсиз етказилади. Гаровдагилар алмашинуви ва қамоқдагиларни озод қилиш жараёнлари босқичма-босқич амалга оширилади. Ғазонинг вақтинчалик бошқаруви халқаро кузатув остидаги фаластинлик технократлар қўмитасига ўтади.
Дональд Трампнинг ўзи “Тинчлик Кенгаши”ни бошқариши кўзда тутилган. Режага кўра, минтақада янги иш ўринлари яратиш ва инвестициялар жалб қилиш учун “мўъжиза шаҳарлар” концепцияси ҳам жорий этилади.
