Интернетда Аргентина миллий терма жамоасини 2026 йилги Жаҳон чемпионатидан четлатиш талаб қилинган петиция пайдо бўлди. Ҳозирга қадар ушбу мурожаатни 3 миллиондан ортиқ киши имзолаган.
Петиция муаллифларининг фикрича, FIFA ҳамда ҳакамлар Аргентина терма жамоаси ва унинг сардори Лионель Мессига нисбатан ён босмоқда.
"Агар чемпион олдиндан маълум бўлган бўлса, нега бошқа терма жамоалар мусобақада иштирок этиши керак? Аргентинани Жаҳон чемпионатидан четлатинг ва барча жамоаларга адолатли имконият яратинг", дейилади петиция матнида.
Мазкур ташаббус 2026 йилги Жаҳон чемпионати нимчорак финалидаги Миср – Аргентина учрашувидан кейин пайдо бўлди. Ўйиндан сўнг ижтимоий тармоқларда айрим мухлислар ҳакамлик қарорлари ва FIFA ҳаракатлари Аргентина фойдасига бўлганини даъво қилди.
Эслатиб ўтамиз, Аргентина чорак финалда Швейцарияни 3:1 ҳисобида мағлуб этиб, ярим финалга чиққан эди. Энди амалдаги жаҳон чемпионлари финал йўлланмаси учун Англияга қарши майдонга тушади.
