Хитойлик олимлар илк бор инсон организмига генетик ўзгартирилган чўчқа жигарини муваффақиятли кўчириб ўтказишди.
Тажриба доирасида хавфли ўсма туфайли жигарининг бир қисми олиб ташланган беморга донор сифатида модификация қилинган чўчқа жигари танланган.
Табиблар маълум қилишича, кўчирилган жигар инсон организмида ўт суюқлиги ҳамда қон ивиши учун зарур бўлган муҳим оқсилларни ишлаб чиқара олган.
Бу, ўз навбатида, жигар функциясининг вақтинчалик тикланганини англатади.
Бироқ, операциядан сўнг 38-кунга келиб жиддий асоратлар кузатилган. Бемор янги жигар билан жами 171 кун умр кўрган.
Шунга қарамай, мутахассислар буни катта илмий ютуқ сифатида баҳолашмоқда, чунки бу тиббиётда одам аъзолари етишмовчилиги муаммосини ҳал этишда янги йўл очиши мумкин.
