Унинг сўзларига кўра, ёзнинг иссиғидан ҳануз совимаган тупроқ заррачалари ҳавода муаллақ юриб, шамоллар ҳаво таркибини янада қуритмоқда. Ҳаво чанг ва оғир, унда инсоннинг шошқалоқлиги ҳам, саноатнинг ис гази ҳам аралашган.
— “Қуёшдан чарчаган одам танасига эндиги қуёш тафти ёқимлидек туюлса-да, мия ҳануз дам олмаяпти. Кислород кам, ҳаво ўзига сиғмай қолгандек,” — дейди Абдулаҳатов.
Мутахассис куз фаслининг табиий гўзаллиги йўқолганини, барглар чанг босиб қақраганини, ҳавода хазон ҳиди сезилмаётганини айтади. Унга кўра, бу ҳолат экологик мувозанатнинг бузилаётганидан далолат.
— “Ечим — ёмғирда. У нафақат чангни, балки юракдаги оғирликни ҳам ювиб ташлайди. Ҳақиқий куз ёмғир билан бошланади,” — дея якунлаган иқлимшунос.
