2026 йилги Жаҳон чемпионати “C” гуруҳи 2-турида Марокаш терма жамоаси Шотландияни 1:0 ҳисобида мағлуб этди.
Фоксборо шаҳридаги “Жиллетт” стадионида бўлиб ўтган ва ўзбекистонлик ҳакам Илгиз Танташев бошқарган учрашувдаги ягона гол 2-дақиқада киритилди. Исмоил Сайбари рақиб дарвозасини ишғол қилиб, жамоасига муҳим уч очкони тақдим этди.
Қайд этилишича, ушбу гол ҳозирча ЖЧ—2026 мусобақасидаги энг тезкор гол бўлиб турибди.
Мазкур натижадан сўнг Марокаш ҳисобида 4 очко жамғарилди. Гуруҳнинг ҳал қилувчи 3-тур баҳслари 25 июнь куни ўтказилади. Унда Шотландия Бразилияга қарши, Марокаш эса Гаитига қарши майдонга тушади.
