Uning so‘zlariga ko‘ra, yozning issig‘idan hanuz sovimagan tuproq zarrachalari havoda muallaq yurib, shamollar havo tarkibini yanada quritmoqda. Havo chang va og‘ir, unda insonning shoshqaloqligi ham, sanoatning is gazi ham aralashgan.
— “Quyoshdan charchagan odam tanasiga endigi quyosh tafti yoqimlidek tuyulsa-da, miya hanuz dam olmayapti. Kislorod kam, havo o‘zigiga sig‘may qolgandek,” — deydi Abdulahatov.
Mutaxassis kuz faslining tabiiy go‘zalligi yo‘qolganini, barglar chang bosib qaqraganini, havoda hazon hidi sezilmayotganini aytadi. Unga ko‘ra, bu holat ekologik muvozanatning buzilayotganidan dalolat.
— “Echim — yomg‘irda. U nafaqat changni, balki yurakdagi og‘irlikni ham yuvib tashlaydi. Haqiqiy kuz yomg‘ir bilan boshlanadi,” — deya yakunlagan iqlimshunos.
