Hinrich Foundation ва IMD World Competitiveness Center ҳамкорлигида тайёрланган Sustainable Trade Index – 2025 рейтинг натижаларига кўра, Буюк Британия барқарор савдо ва иқтисодий тизимлар бўйича жаҳон етакчиси деб топилди. У ўтган йилги иккинчи ўриндан биринчи поғонага кўтарилди.
Янги Зеландия иккинчи, Австралия ва Сингапур эса мос равишда учинчи ва тўртинчи ўринларни эгаллади.
Индексда Жанубий Корея 5-ўринга кўтарилган бўлса, Шри-Ланка 6 поғона юқорига чиқиб, 20-ўринни эгаллади. Россия эса 2023 ва 2024 йиллардаги сўнгги ўринни бу гал Мянмага топширди.
Рейтинг 72 та кўрсаткич асосида тузилади ва уч йўналишни қамраб олади: иқтисодий, ижтимоий ва экологик барқарорлик. Ҳисоботда таъкидланишича, юқори ЯИМга эга давлатлар доимо кучли натижаларга эришавермайди — хусусан, Канада, Жанубий Корея ва АҚШ экологик кўрсаткичлар бўйича ортда қолган.
