Тошкент вилояти Янгийўл туманида 2005 йилда туғилган йигит интернетда аёллар номидан бир неча профиль очиб, фирибгарлик қилгани учун қўлга олинди.
У савдо платформаларида сохта эълонлар жойлаштириб, Iphone русумидаги телефонларни арзон нархда сотиш баҳонасида одамлардан олдиндан пул олган ва маблағларни бошқа шахсларга тегишли банк карталари орқали ўтказиб юборган.
Тошкент вилояти ИИББнинг маълум қилишича, терговда ушбу шахс томонидан 8 та шу каби жиноят аниқланган.
Гумонланувчига нисбатан Ўзбекистон Республикаси Жиноят кодексининг 168-моддаси (фирибгарлик) 3-қисми “б, г” бандлари бўйича иш қўзғатилган.
