Сирдарё туманидаги адвокатлик бюроси адвокати тергов остидаги шахсни Ховосдаги 8-сон тергов ҳибсхонасидан туман ИИБ вақтинча сақлаш ҳибсхонасига ўтказиш, шунингдек, кейинчалик судда ишни унинг фойдасига ҳал қилиб бериш учун 5500 доллар талаб қилгани айтилмоқда.
Давлат хавфсизлик хизмати ва прокуратура томонидан ўтказилган тезкор тадбир давомида у 4500 доллар ва 6 миллион сўм олаётганда қўлга олинган.
Маълумотларга кўра, ушбу адвокат гумонланувчининг манфаатларини давлат ҳисобидан ҳимоя қилиш учун жалб қилинган эди.
Ҳозирда унга нисбатан Жиноят кодексининг 168-моддаси 3-қисми “в” банди ва 28, 211-моддаси 1-қисми билан жиноят иши қўзғатилиб, тергов давом этмоқда.
