BBC хабарига кўра, ҳодиса 3 ноябрь куни реставрация ишлари давомида юз берган. Қутқарувчилар вайроналар остида қолган ишчиларни олиб чиқиш жараёнида минора яна бир марта қулаган. Шифокорлар 12 соатдан сўнг топилган Строичининг ҳаётини сақлаб қола олмади.
Рим мери Роберто Гуальтьери ва маданият вазири Алессандро Жули воқеа жойига ташриф буюрди. Пойтахт прокуратураси ҳодиса юзасидан тергов ишларини бошлаган.
Мазкур минора дастлаб 50 метр баландликда бўлган, аммо йиллар давомида зилзилалар ва қайта қурилишлар оқибатида 29 метргача қисқарган.
