Зомин туманида она ўғлининг ўрнига алимент тўлаб, унинг 15 миллион сўмлик қарзини ёпди. Бу ҳақда Zamon.uz маълум қилди.
Маълумотларга кўра, суд қарори билан С.А. собиқ турмуш ўртоғи М.О. фойдасига вояга етмаган фарзандини таъминлаш учун алимент тўлаши шарт қилиб белгиланган. Бироқ у мажбуриятини бажармасдан, 15 миллион сўм қарздор бўлиб қолган.
Мажбурий ижро бюросининг Зомин туман бўлими давлат ижрочиси томонидан кўрилган чоралар натижасида қарздорнинг онаси ўғлининг ўрнига мазкур суммадаги алимент пулини тўлаб берган.
Хабарда таъкидланишича, ўша куни Бюро бўлимига икки аёл — она ва келин бир вақтда келган: она ўғлининг қарзини тўлаш учун, келин эса фарзанди учун алимент пулини олиш учун.
