“Associated Press”нинг хабар беришича, 10 ноябрь куни Форт-Лодердейл шаҳри яқинидаги Coral Springs тураржой ҳудудида кичик турбовинтли самолёт ҳовузга қулаган. Ҳодиса оқибатида икки киши ҳалок бўлган, аммо самолёт уйларга шикаст етказмаган.
Coral Springs полицияси қурбонлар борлигини тасдиқлаган, лекин самолёт ичидаги шахслар ҳақида маълумот ошкор этмаган. Фавқулодда хизматлар воқеа жойига етганидан сўнг қутқарув ишлари олиб борилган, кейинчалик операция “жасадларни қидириш” босқичига ўтган.
1976 йилда ишлаб чиқарилган “Beechcraft King Air” самолёти Форт-Лодердейл Ижроия аэропортидан соат 10:14 да учган ва бор-йўғи 5 дақиқа ўтиб, Coral Springs ҳудудида қулаган.
Маълумот учун, Ямайкада октябрь ойида “Melissa” бўрони 120 мингдан зиёд бинога зарар етказган ва 90 мингга яқин оила уй-жойсиз қолган. Самолёт айнан шу бўрон оқибатларини юмшатиш учун гуманитар ёрдам олиб кетаётгани айтилмоқда.
