Финляндиянинг Сипоо шаҳрида ғаройиб воқеа рўй берди, деб хабар берди “Lemurov.net” нашри.
Ярадор олмахоннинг ўзи маҳаллий ветеринар клиникаларидан бирига келиб, мутахассис врач Самули Хейсканенунинг елкасига чиқиб олди. Врач ақлли олмахонга ёрдамга шошилди. Унинг айтишича, олмахон вазият оғирлигини яхши тушунгани учун врачга мурожаат қилган.
Врач олмахонга ичиш учун шприцда сув берди, кейин олма, нок, нон билан меҳмон қилди. Шундан кейин олмахон жонланиб, ўзини яхши ҳис қилди.
“Олмахон мендан миннатдор бўлиб, табассум қилаётганга ўхшайди”, – дейди Хейсканен. Ветеринарнинг фикрича, олмахоннинг бурнидан қон кетишига инидан йиқилгани сабаб бўлган.
