Давлат раҳбари раислигида бўлиб ўтган йиғилишда халқаро муносабатлардаги беқарорлик, минтақавий қарама-қаршиликлар ва глобал иқтисодий трансформациялар ташқи сиёсатдан янги, фаол ва натижага йўналтирилган ёндашувни талаб қилаётгани қайд этилди.
Президентнинг таъкидлашича, янги концепция Ўзбекистоннинг узоқ муддатли стратегик мақсадлари, ички ислоҳотлар мантиғи ҳамда иқтисодий дипломатия, хавфсизлик, инвестиция, экспорт, транспорт-логистика, сув ва иқлим соҳаларидаги миллий манфаатларни яхлит ҳолда акс эттириши лозим.
Шунингдек, элчихоналар фаолиятини кучайтириш учун уларга қўшимча маблағ ажратиш режалаштирилган. Дипломатлар меҳнатини муносиб баҳолаш мақсадида «Ўзбекистон Республикасида хизмат кўрсатган дипломат» фахрий унвонини жорий этиш таклиф қилинди.
