Бугун, 26 январь куни Тошкент шаҳридаги “Чорсу” бозорида ёнғин содир бўлди, дея хабар берди пойтахт Фавқулодда вазиятлар бош бошқармаси.
Маълум қилинишича, соат 16:04 да Шайхонтоҳур тумани Беруний кўчасида жойлашган “Чорсу” бозорида дўкон ёнаётгани ҳақида хабар келиб тушган.
Қутқарув экипажлари воқеа жойига 16:08 да етиб бориб, ёнғин 16:20 да қуршаб олинган ва 16:25 да тўлиқ ўчирилган.
Қайд этилишича, ҳодиса оқибатида тан жароҳати олганлар йўқ. Ёнғин натижасида дўкон ертўласининг тахминан 15 квадрат метр майдони зарар кўрган.
