Россиялик актриса ва телебошловчи Эвелина Блёданс Леонид Закошанскийнинг “Говорим и показываем” кўрсатуви қаҳрамонига айланди, деб хабар берди “Сosmo.ru” нашри.
Студияга Эвелинанинг ўгай опаси Диана ҳам ташриф буюрди. Уларнинг отаси бир, онаси бошқадир. Диананинг айтишича, улар бир-бири ҳақида эшитган бўлсалар-да, аммо учрашишмаган.
Кўрсатувда Диана ўзининг бедаво дардга чалингани ҳақида гапириб берди. “Мен жигар церрози касалига чалинганимга беш йил бўлди. Гепатит туфайли шу дардни орттириб олдим. Сўнгги пайтларда қорнимга сув тўпланиб, шишиб кетяпман”, деди у.
Машҳур телебошловчининг опасига даволаниш учун катта маблағ кераклиги маълум бўлди. Касаллик оғир босқичга ўтганлиги туфайли, врачлар аёлга даволанмаса, ҳаммаси фожиа билан тугашини айтган. Бу гапларни эшитган кўрсатув томошабинлари Эвелинадан опасини даволатиш учун икки миллион рубль талаб қилиб, уни кўз ёш тўкишга мажбур қилишди. Чорасиз аҳволда қолган Эвелина улар айтган миқдорда пулини йўқлигини, Даун синдроми билан туғилган фарзандини дори-дармон билан эмас, меҳр-муҳаббати билан даволаётганини томошабинларга тушунтиришга ҳаракат қилди.
“Агар икки миллион рубль пулим бўлганда, уни ўйлаб ўтирмасдан Дианага берган бўлардим. Аммо айни пайтда ўзимнинг ҳам қарзларим бор...”, деди Эвелина ва бошқа гапира олмай, томошабинларнинг норозилигидан йиғлаб юборди. Кўрсатув сўнггида, томошабинларга агар Дианага бирор кор-ҳол бўлса, жияни Даниэллани ўз қарамоғига олишга ваъда берди.
http://img.darakchi.uz/img/2016-12/23/zop8sahjhse1ld1q1cizgtmoz.jpg
