Туркия Алоқа вазирлиги ҳузуридаги Дезинформацияга қарши кураш маркази баёнотида мамлакат ҳудудида ҳеч қандай хорижий давлатга тегишли ҳарбий база мавжуд эмаслиги таъкидланди.
Қайд этилишича, Туркиянинг ҳаво ҳудуди, қуруқлик ва денгиз чегаралари ҳамда барча ҳарбий объектлари тўлиқ миллий суверенитет ва назорат остида.
Марказ маълумотига кўра, мамлакатга қарши ҳеч қандай ҳужум содир этилмаган. Шунингдек, Туркияни минтақавий можаро иштирокчиси сифатида кўрсатишга қаратилган хабарлар асоссиз экани урғуланган.
Бундан ташқари, Ўзбекистоннинг Истанбул шаҳридаги Бош консулхонаси ҳам мазкур хабарлар ҳақиқатга тўғри келмаслигини билдириб, фуқароларни фақат расмий манбаларга таянишга чақирган.
Аввалроқ Анка ахборот агентлиги бош муҳаррири Кенан Шенерга нисбатан қарор чиқарилгани ҳақида хабарлар тарқалган эди. У “Инжирлик” ҳаво базасидаги ҳаракатларни жонли эфирга узатгани айтилган.
