Италиялик хонада Тото Кутуньо Александров номли ансамбль билан бирга иштирок этиш учун Суриядаги концертга таклиф этилган эди, деб хабар берди “Gazeta.ru” нашри.
Тото Кутуньо илгари ҳам мазкур жамоа билан ҳамкорлик қилган. “Бу фожиадан ҳали ҳам ўзимга келолмаяпман. Улар бундан бир ой илгари менежерим билан боғланиб, мени Суриядаги концертга таклиф этишганди”, – деди машҳур хонанди.
Тото Кутуньонинг маълумот беришича, 29 декабрь куни ўтказилиши режалаштирилган концертга у ҳам таклиф этилган. Хонанда машъум авиаҳалокатда ҳалок бўлганларнинг оила аъзоларига таъзия билдирди.
