Кичкина болакайнинг “фикран буйруқ” бериш орқали эшикни очиши акс этган видеоролик ижтимоий тармоқларда машҳур бўлди, деб хабар берди “Тvzvezda.ru” нашри.
Болакайнинг ёши тахминан бир ярим ёшда, кадрни унинг ота-онаси суратга олди. Воқеа аэропортда рўй берди. Эшик ёнига етиб, унга қўл чўзган болакай эшикнинг ўз-ўзидан очилганидан ҳайратга тушди. У бирпас тўхтаб туриб, юқоридаги ҳаракатини қайтадан амалга оширди. Эшик яна очилди. Боланинг ҳайратланиб, дунёни англашга уриниши ота-онасининг юзига кулги югуриб, бўлиб ўтган воқеани видеога олишга ундади.
