Мадриднинг "Реал" клуби ва Португалия терма жамоаси ҳужумчиси Криштиану Роналду ФИФА томонидан йилнинг энг яхши футболчиси деб тан олинди.
Цюрихда бўлиб ўтган тақдимот маросимида португалиялик футболчига The Best соврини топширилди. Эслатиб ўтамиз, ушбу совринга шунингдек "Барселона" ҳужумчиси Лионел Месси ва "Атлетико" форварди Антуан Гризманн ҳам даъвогарлик қилган эди.
Ғолиб номи терма жамоа мураббийлари, сардорлари, журналистлар ва мухлислар ўртасида ўтказилган сўровнома натижасида аниқланган. Ҳар бир соҳа вакиллари овоз беришда тенг - 25 фоиздан улушга эга бўлган.
АҚШ аёллар терма жамоаси ҳужумчиси Карли Ллойд ФИФА талқинига кўра 2016 йилнинг энг яхши аёл футболчиси деб топилди.
