Испания Кубоги нимчорак финал жавоб ўйинида "Реал" сафарда "Севилья" меҳмони бўлди. Голларга бой кечган учрашувда 3:3 ҳисобидаги жанговар дуранг қайд этилди.
Аввалига Данило ўз дарвозасини ишғол қилиб қўйди, кейин Асенсио ҳисобни тенглаштирди. Йоветич ва Иборранинг голларидан кейин “Севилья” катта устунликка эга бўлди.
Аммо Рамос ва Бензема томонидан киритилган голлар мадридликларни мағлубиятдан сақлаб қолди ва улар мағлубиятсиз сериясини 40 ўйинга етказди.
Энг асосийси эса, “Реал” чорак финалга чиқди. Чунки илк ўйинда Зидан шогирдлари 3:0 ҳисобида ғолиб бўлганди.
“Севилья” – “Реал Мадрид” 3:3
Голлар: 1:0 – 10, автогол Данило, 1:1 – 48 Асенсио, 2:1 – 53 Йоветич, 3:1 – 77 Иборра, 3:2 – 83, пенальти Рамос, 3:3 – 90(+3) Бензема.
“Севилья” – Сория, Меркадо (Витоло, 65), Рами, Лангле, Эскудеро, Сарабия, Иборра, Корреа (Йоветич, 45), Краневиттер, Вьетто (Насри, 55), Бен-Йеддер.
“Реал Мадрид” – Касилья, Рамос, Данило, Начо, Марсело, Асенсио, Каземиро, Кроос, Васкес (Карвахаль, 64), Диас (Ковачич, 58), Мората (Бензема, 76).
Огоҳлантиришлар: Меркадо (7), Васкес (13), Иборра (62), Ковачич (63), Йоветич (72), Касилья (72), Каземиро (84), Марсело (88).
Дастлабки учрашув: 0:3
