Хабарингиз бор, эртага 31 январ куни Тошкент шаҳридаги “Бунёдкор” стадионида “Насаф” ҳамда Бахрайннинг “Ал-Ҳидд” жамоалари ўртасида, ОЧЛ-2017 саралаш учрашуви бўлиб ўтади.
Бугун бўлиб ўтган ҳар иккала клуб расмийлари иштирокидаги йиғилишда жамоалар эртага бўладиган учрашувда қандай футболкаларда майдонга тушиши келишиб олинди.
Унга кўра, “Насаф” жамоамиз оқ футболкада, меҳмонлар – “Ал-Ҳидд” жамоаси эса кўк футболкаларда майдонга тушадилар. Эслатиб ўтамиз, учрашув эртага соат 16:00да бошаланади.
