“Пахтакор” ярим ҳимоячиси Жалолиддин Машарипов фаолиятини “Локомотив” клубида давом эттиради. Бу ҳақда “Пахтакор” матбуот хизмати хабар бермоқда.
“Пахтакор” тарбияланувчиси саналган Жалолиддин Машарипов “Локомотив”га 6 ойга ижарага берилди. Ҳозиргача у жамоа учун олий лигада 64 учрашувда иштирок этиб, 10 гол муаллифига айланганди.
Шунингдек, “Пахтакор” учун ички кубокларда 16 баҳсда 1 тўп киритган бўлса, Чемпионлар лигасида 12 баҳсда 1 гол муаллифи бўлган.
