Испания Кубоги ярим финал илк ўйинида “Атлетико Мадрид” жамоаси ўз майдонида “Барселона” футболчиларини қабул қилди.
Муросасиз кечган ўйинда каталонияликлар 2:1 ҳисобида ғалаба қозонди. Ўйиннинг 7-дақиқасида Луис Суарес индивидуал маҳорати эвазига ҳисобни очган бўлса, Лионель Месси 33-дақиқада ҳисобни оширди.
Учрашувнинг 59-дақиқасида “Атлетико” ҳужумчиси Антуан Гризманн ҳисобни қисқартирди. Жамоалар ўртасидаги жавоб ўйини “Камп Ноу” стадионида бўлиб ўтади.
“Атлетико” – “Барселона” 1:2 (0:2, 1:0)
Голлар: 0:1 – 7 Суарес, 0:2 – 33 Месси, 1:2 – 59 Гризманн.
“Атлетико” – Мойя, Годин, Савич, Филипе Луис, Хуанфран, Феррейра Карраско (Гамейро, 70), Габи, Коке, Сауль (Гайтан, 59), Гризманн, Врсалько (Торрес, 46).
“Барселона” – Силлессен, Умтити, Пике, Альба, Маскерано, Ракитич (Денис Суарес, 58), Серджи Роберто, Андре Гомеш (Рафинья, 72), Неймар, Месси, Суарес.
Огоҳлантиришлар: Сауль (31), Савич (39), Неймар (64), Гризманн (75), Габи (84), Месси (90), Маскерано (90), Хуанфран (90).