Дунё саноати ривожланиши бевосита ёки билвосита тропик ўрмонларнинг камайиб кетишига сабаб бўлмоқда, деб ёзади “AdMe.ru”. Кесилган дарахтлар ёғочдан ишланган жиҳозлар ясашда қўлланилади. Ўрмонлар йўқолиб кетаётганлиги айниқса Аргентина, Боливия, Бразилия, Индонезия, Малайзия, Папуа-Янги Гвинеяда яққол кўзга ташланмоқда. Бу мамлакатлар харитасига назар ташлар эканмиз авваллари ям-яшиллиги билан кўзни қувонтирган ўрмонлар бир неча километрга чўзилган ялангликка айланганини кўриш мумкин.
Норвегия ҳукумати дарахт кесиш билан боғлиқ бўлган маҳсулотларни сотиб олмайди ва тропик ўрмонларни йўқ қилиш эвазига ишлаётган компаниялар билан шартнома имзоламайди.
Норвегия аслида бир неча йилдан буён дарахтларни кесиш билан тижорат қилаётган компаниялар билан ҳамкорлик қилмаётган эди. Бироқ бу расмий равишда қонунан тасдиқланмаган ҳаракат эди. Норвегия уларни ишлаб чиқариш учун тропик ўрмонлар йўқ қилинаётган маҳсулотлардан воз кечувчи дунёдаги биринчи мамлакат бўлади. Эндиликда мамалакат бутун сайёрадаги тропик ўрмонларни асраб қолиш учун давлат харид қилаётган маҳсулотларга қатъий талаб қўяди.
Норвегия фонди бошқа давлатларни, хусусан Германия ва Буюк Британяни ҳам дарахтлар кесилишига қарши курашишга чақирди.
