Покистоннинг Танги шаҳрида жойлашган суд биносида содир бўлган теракт оқибатида 6 киши ҳалок бўлди, 30 киши яраланди, деб хабар берди “Ria.ru” нашри.
Нашрнинг хабар беришича, бир неча киши оғир яраланганлиги туфайли ҳалок бўлганларнинг сони ортиши мумкин. Воқеа бугун, Танги шаҳрининг Чарсадда округида юз берди. Уч нафар террорчи суд биноси ичига киришга ҳаракат қилди, улардан бири кириш жойида ўзини портлатиб юборди. Қолган икки нафар жангари эса ичкарига граната ташлаганда, полициячилар томонидан отиб ўлдирилди.
Февраль ойининг ўртасида Покистонда бир қатор терактлар содир бўлди. 16 февраль куни Сехван-Шариф шаҳридаги портлашдан кейин Покистон ҳукумати кенг кўламда контртеррорчилик кампаниясини ўтказди. Кампания оқибатида мамлакатнинг турли қисмларида 100 га яқин жангарилар йўқ қилинди, улардан 250 нафари қўлга олинди. Ўтган ҳафтадан бери Афғонистон чегараси ёпилди, жангариларнинг чегарадан бостириб киришининг олдини олиш мақсадиди чегара туманларида қўриқлаш хизмати кучайтирилган иш тартибига ўтди.
