1 март куни тақдимот маросими бўлиб ўтган “Тараққиёт стратегияси” маркази ҳақида бир қатор хорижий экспертлар ўз фикрларини билдириб ўтди. Жумладан, ЕХҲТнинг Ўзбекистондаги лойиҳалари координатори Жон МакГрегор марказ ҳақида қуйидаги фикрлари билан ўртоқлашди:
– Ҳаракатлар стратегияси марказининг тақдимот маросими сўзсиз жуда таассуротларга бой тарзда ўтмоқда.
Ҳаракатлар стратегиясининг ўзи ҳам чуқур ўйланган, аниқ мақсадларни кўзловчи ва дастурли ҳужжат. У ўзида жамиятнинг барча соҳаларида кенг қамровли ислоҳотларни жамлаган. Ислоҳотлар эса инсонлар ҳаёт даражасини яхшилашга хизмат қилиши ва ўзининг бошқа салмоқли натижаларини бериши даркор. Стратегиянинг ҳар бир йўналиши алоҳида аҳамиятга эга. Шундай экан биз бу ҳужжатни амалга татбиқ этилишида давлат ва жамоат ташкилотлари билан ҳамкорлик қиламиз.
