1 март куни тақдимот маросими бўлиб ўтган “Тараққиёт стратегияси” маркази ҳақида бир қатор хорижий экспертлар ўз фикрларини билдириб ўтди. Жумладан, Ўзбекистондаги Британия Кенгашининг директори Марк Кросси ҳам марказнинг ташкил этилишини ижобий баҳолади:
“Британия кенгаши бугунги муҳим тадбирда иштирок этаётганидан мамнун ва фахрланади. Кўриниб турибдики, мустақил Ўзбекистон тарихида ҳозир ва бундан кейин ҳам бизнинг ташкилотимиз ЎзЭОАВМА билан мустаҳкам ҳамкорлик қилади.
Биз бу ташкилот билан ҳар доим алоқадамиз. Ўйлашимизча, бу ташкилот Ўзбекистон жамоатчилиги, анйиқса ёшлари учун ўта фойдали бўлган ташаббусларни илгари сурмоқда.
Мен бугунги тақдимот маросимидан жуда катта таассуротлар олдим. Бу Ўзбекистонни янада ривожлантириш учун музокаралар майдони. Жамоатчилик учун ҳам бу ўта муҳим жараён. Президент ташаббуси билан ишлаб чиқилган Ҳаракатлар стратегияси ва бу ташаббуснинг ЎзЭОАВМА томонидан амалиётга татбиқ этилиши ўзининг ижобий натижаларини беради. Бу марказ албатта ОАВнинг мамлакатда илгари сурилаётган ташаббусларнинг аҳолига етказишида ўзининг ижобий натижаларини беради.
