Президент Шавкат Мирзиёев куни кеча Ўзбекистоннинг учта шаҳарида Биринчи Президент Ислом Каримов ҳайкалини ўрнатиш ҳамда Самарқанддаги ёдгорлик мажмуасини қуриш бўйича амалга ошириладиган лойиҳалар билан танишди. «Ўзбекистон» телеканалининг «Ахборот» дастурида шу ҳақда сўз борди.
«Муҳтарам Пезидентимизнинг қабрларини ҳали ҳамон ҳар куни юртимизнинг ҳар бир нуқтасидан келиб зиёрат қилишмоқда. Бу халқимизнинг чексиз муҳаббатидан далолат. Халқимиз ва халқаро ҳамжамият Ислом Каримов номини Жорж Вашингтон, Шарл де Голл, Мустафо Камол Отатурк сингари давлат ва сиёсат арбоблари қаторига қўяди», — деди Шавкат Мирзиёев.
Президент Мустақиллигимизнинг 26 йиллигига Самарқанддаги Ислом Каримов дафн этилган жойда ёдгорлик мажмуаси бунёд этилишини маълум қилди. Мазкур мажмуани барпо этилишида дунёнинг машҳур Ислом уламолари етук архитектор ва муҳандисларнинг ёрдамидан фойдаланилиши айтиб ўтилди.
Ислом Каримов узоқ йиллар фаолият олиб борган Оқсарой қароргоҳида унинг номидаги хайрия жамоат фонди ва илмий-маърифий ёдгорлик мажмуаси фаолият кўрсатади. Қароргоҳ қаршисидаги майдонга эса Ислом Каримовнинг ҳайкали ўрнатилади.
Ҳайкал яқинида Ўзбекистоннинг диққатга сазовор масканлари, жумладан Самарқанддаги Регистон майдони, Шаҳрисабздаги Амир Темур майдони, Тошкентдаги «Ўзбекистон» Форумлар саройи ва бошқа объектлар макетлари боғи ташкил этилади.
Самарқанд марказига ҳам биринчи Президент ҳайкали ўрнатилади. Унинг яқинида музей бунёд этилиб, хиёбон атрофига фавворалар ва майсазорлар жойлаштирилади.
Ислом Каримовнинг яна бир ҳайкали Қашқадарё вилояти раҳбари сифатида ишлаган Қарши шаҳрида бунёд этилади.
21.10.2022, 13:45
Туркманистонга расмий ташриф доирасида Ўзбекистон Президенти Шавкат Мирзиёев ушбу мамлакат Парламентининг юқори палатаси раиси Гурбангули Бердимуҳамедов билан учрашди, дея хабар бермоқда Прехидент матбуот хизмати. Давлатимиз раҳбари...
13.10.2022, 11:20
Ўзбекистон Президенти Шавкат Мирзиёев Остона шаҳрида бўлиб ўтаётган Осиёда ҳамкорлик ва ишонч чоралари бўйича кенгаш VI саммитида нутқ сўзлади. Ўзбекистон раҳбари Афғонистондаги вазиятни ҳал этиш ва...
29.08.2022, 11:46
Аввал хабар қилганимиздек, Бугун Президент Шавкат Мирзиёев Урганч шаҳрида буюк саркарда ва давлат арбоби Жалолиддин Мангуберди ҳайкалининг тантанали очилиш маросимида иштирок этиш учун Хоразм вилоятига...
17.08.2022, 16:42
Саудия Арабистони Подшоҳи Салмон бин Абдулазиз Ол Сауднинг таклифига биноан ушбу мамлакатга борган Ўзбекистон Республикаси Президенти Шавкат Мирзиёев ташрифни Мадинаи мунаввара зиёратидан бошлади. Ўзбекистон раҳбари Мадина...
