Москва шаҳар клиникаларидан бирида пластик операция қилдирган аёл эртаси куни вафот этди, деб хабар берди Ntv.ru нашри.
Мазкур факт бўйича Тергов қўмитаси суриштирув ишларини олиб бормоқда.
Операция Москва шаҳридаги клиникалардан бирида 10 март куни ўтказилган. Пластик операциянинг эртаси куни 48 ёшли аёл ўзини ёмон ҳис қилган. У зудлик билан жонлантириш бўлимига ётқизилган, аммо барча уринишларга қарамай, аёл вафот этган. Дастлабки маълумотларга кўра, аёл юрак қон-томир тизими фаолиятидаги бузилишдан вафот этган. Терговчилар ҳодисани батафсил ўрганиш учун клиника ходимларини сўроқ қилмоқда.
