Лондонлик Саймеон Панда ва Шанель Браун дунёдаги энг кўркам қоматга эга бўлган жуфтлик дея тан олинди, деб ёзади “Lenta.ru”.
Саймеон 30, Шанель эса 24 ёшда. Саймеоннинг бўйи 186 сантиметр, вазни 104 килограммни ташкил этади. Шанелнинг бўйи 165 сантиметр, вазни 60 килограмм.
Улар 2012 йилда танишишган. 2014 йилдан бошлаб эса учраша бошлаган. Бу танишув нафақат уларнинг шахсий ҳаётида, балки иш фаолиятларида ҳам муҳим роль ўйнайди.
Саймеон ва Шанель биргаликда ўз таналарини умумий қизиқиш-фитнесс ёрдамида бизнес-империяга айлантирди.
Ҳозирда Саймеон спортзал учун кераклик кийим ва аксессуарларни ишлаб чиқаради. Шунингдек, унинг сайтида спорт озуқалари ва тренировкалар ҳақидаги электрон китобларни харид қилиш мумкин.
Шанель эса Youtube`даги шахсий канали орқали танани кўрпкамлаштириш бўйича машқларни онлайн трансляция қилади. Бундан ташқари, у сунъий киприклар ишлаб чиқаришни ҳам йўлга қўйган.
Жуфтлик соғлом овқатланиш ва кун тартибини тўғри тузишга алоҳида эътибор беради.
Улар касби туфайли ижтимоий тармоқлар орқали мухлислари билан мулоқот қилишларига тўғри келади. Жуфтликнинг муносабатларига рашк тўсқинлик қилолмайди. Аксинча, улар бир-бирининг муваффақиятлари билан фахрланади.
