Таниқли Голливуд актёри Эдди Мёрфининг акаси 57 ёшли Чарли Мёрфи лейкемиядан вафот этди. Бу ҳақда “Вести” хабар бермоқда.
Чарли Мёрфининг ўзи ҳам АҚШда комик сифатида танилган эди. У 12 апрель куни Нью-Йоркдаги шифохоналардан бирида вафот этди. Мазкур шифохонада Чарли кимёвий терапия курсини олаётган эди.
Чарлининг яқинлари унинг тўсатдан вафот этишини кутмаган эди. Сабаби, сўнгги пайтларда Чарли ўзини анча яхши ҳис эта бошлаган эди. Чарли Мёрфи Америка бўйлаб гастролларга чиқар ва шоу дастурларда иштирок этарди.Чарлининг рафиқаси Тиша Тэйлор Мёрфи ҳам 2009 йилда онкологик касалликдан вафот этган эди.
