Туркиянинг Шанлиурф шаҳридаги мева-сабзавот дўкон эгаси қуролланган жиноятчига қарши помидор билан “жанг қилди”, деб хабар берди Ria.ru нашри.
Мазкур воқеани кузатув камераси видеога олди. Жиноятчи дўкон эгасига қурол билан таҳдид қилди. Аммо эркак бундан таҳликага тушмай, ўзини ҳимоя қилиш мақсадида жиноятчига помидор ирғитди. Бундай жавобни кутмаган жиноятчи пала-партиш ўқ узиб, воқеа жойида қочиб кетди.
“Иш билан банд бўлганимдан жиноятчининг олдимга келганини сезмабман. У менга қурол ўқталгандан кейин унга қарата помидор ирғитдим, помидор унинг кўзига тегди, натижада қалқиб кетиб, бетартиб равишда ўқ узди”, деди дўкон эгаси Меҳмет Тўсун ҳужумдан кейин.
Маълум бўлишича, қуролланган жиноятчи илгари шу дўконнинг эгаси бўлган. Полиция ҳодиса юзасидан тергов ишларини бошлади.
