Япониянинг Садо шаҳридаги ўлкашунослик музейига ўғирликка тушган жиноятчи ҳақиқий 30 килограммли кумуш қолиб, унинг ёнида турган қалбаки беш дона олтин ёмбини ўғирлади, деб хабар берди Ria.ru нашри.
Воқеа душанба куни кечаси Ниигата перефектурасидаги Садо шаҳридаги Аикава ўлкашунослик музейида олтин ва кумуш қазиш саноати тарихига бағишланган кўргазма ўтказилаётган кунларда рўй берди.
Воқеа жойига етиб келган полиция ўғри деразани синдириш орқали ичкарига кирганлигини аниқлади. У витринани синдириб, 30 килограммлик ҳақиқий кумуш ёнида турган бешта олтин ёмбининг нусхасини ўғирлаган. Мазкур олтин ёмбиларнинг ҳар бири бир килограммдан бўлиб, Садо шахтасидан қазиб олинган олтин ёмбиларининг нусхаси эди. Тергов ишлари бошланди.
