Clr Cff бренди асосчилари Адам ва Дэвид Надь рангсиз, шаффоф қаҳва ихтиро қилишди. Бу ҳақда Tjournal нашри хабар бермоқда. Уларнинг айтишича, рецепт устида ишлаш учун 3 ой вақт сарфланган. Мазкур лойиҳа қанчалик даражада муваффақиятли бўлиши ҳозирча номаълум, бироқ ғоянинг ўзи катта қизиқишларга сабаб бўлди.
Ҳозирги кунда Clr Cff деб аталаётган қаҳва фақат Буюк Британия ва Словакияда сотилмоқда. Ҳар бири 200 мл ҳажмдаги қаҳвадан иборат 5 та бутилканинг нархи 15 евро қилиб белгиланган. Британияда анъанавий қаҳванинг бир порцияси 2 доллар эканлигини инобатга олганда нархлар унчалик қиммат эмас, деб ёзади нашр.
