Россиянинг Москва шаҳридан Фарғона шаҳрига парвоз қилган самолёт Самарага шаҳрига қўнишга мажбур бўлди, деб хабар берди Lenta.ru нашри.
Бунга самолёт бортидаги йўловчилардан бири, 37 ёшли ўзбекистонлик ҳомиладор аёлни тўлғоқ тутгани сабаб бўлди.
Ҳаво лайнери 19 апрель куни маҳаллий вақт билан 08:30 да Курумоч аэропортига мажбурий қўнишни амалга оширди. Аёл рейсдан олиниб, Самара касалхоналаридан бирига юборилди. Шундан кейин самолёт ўз йўлида давом этди.
