Россиялик гимнастикачи қиз Минск циркидаги томоша пайтида баландликдан пастга қулади, деб хабар берди Tvzvezda.ru нашри.
“Кеча, маҳаллий вақт билан соат 19:00 да бошланган цирк томошаси пайтида россиялик гисмнастикачи қиз – Мария Сюльгина баландликдан пастга қулади”, дейилган хабарда. Қизнинг қўли синиб, мия чайқалиш жароҳати билан касалхонага ётқизилди.
Томошада иштирок этаётган мазкур гимнастикачилар катта тажрибага эга бўлиб, узоқ йиллардан бери томошаларда иштирок этиб келишган. Ҳозирча йиқилиш сабаби аниқлангани йўқ, ички текширув ишлари олиб борилмоқда.
