Иркутсклик аёл чақалоғига спиртли ичимлик бергани туфайли бола вафот этди, аёлга нисбатан жиноят иши қўзғатилди деб хабар берди Tvzvezda.ru нашри.
Тергов жараёнида аниқланишича, аёл тинимсиз йиғлаётган 4 ойлик чақалоғини тинчлантириш учун сувга спиртли ичимлик қўшиб берган, оқибатда бола спиртли ичимлик таъсиридан вафот этган.
Маълум бўлишича, 26 ёшли мазкур аёлнинг яна икки нафар ёш боласи бўлиб, оналик ҳуқуқидан маҳрум этилган, бундан ташқари, у полициянинг махсус рўйхатида ҳам турган. Тергов жараёнида профилактика органи ходимларининг ҳам хизмат фаолияти текширилиши кўзда тутилди.
