YouTube да пайдо бўлган Сомали қароқчилари ва Америка юк кемаси хусусий қўриқчилари ўртасида бўлган жанг кадрларини ўн миллиондан ортиқ фойдаланувчи томоша қилди, деб хабар берди tengrinews.kz нашри.
Видео жангга гувоҳ бўлган одам томонидан суратга олинган. Очиқ денгизда сузаётган кемани иккита қайиқда бўлган қароқчилар қўлга олишга ҳаракат қилди. Аммо улар кемага яқинлашиб, ўқ ёмғири остида қолгач, чучварани хом санаганликларини тушунди. Баъзи ОАВларнинг маълумот беришича, мазкур воқеа 2012 йилда Ҳинд океанида суратга олинганига қарамай, оммага энди ошкор этилган.
