Америкалик машҳур актёр Николас Кейж Болгарияда суратга олинаётган фильм съёмкаси жараёнида тан жароҳати олди, деб хабар берди Ntv.ru нашри.
Софияда бўлиб ўтган съёмкада актёр мураккаб трюкни бажараётган пайтда оёғи синди. Николас Кейжга маҳаллий клиникалардан бирида тиббий ёрдам кўрсатилди. У АҚШда даволанишни маъқул кўриб, оёғини операция қилдириш учун Лос-Анжелесга жўнади.
Николас Кейж Болгарияда суратга олинаётган “211” фильмида полициячи ролини ижро этаётган, бу ерда уч ҳафта бўлишни режалаштирган эди.
