Хитойлик эр-хотин “Ичига ёвуз руҳлар кириб олган” деб ҳисоблаган ўғлини 30 йил мобайнида тутқинликда сақлади, деб хабар берди Vesti.ru нашри.
Исми ошкор этилмаган 39 ёшли эркак болалигидан бери Хитойнинг Гуанси вилоятидаги Бэйхай шаҳридаги деразасига панжара ўрнатилган, эшигига қулф солинган уйда яшаб келган.
Ота-онасининг сўзларига қараганда, у олти ёшлигида уйдан қочиб кетган, уни бегона одам уйига қайтариб олиб келган, шундан кейин “ёвуз руҳлардан тозалаш” маросими ўтказилганига қарамай, бола мунтазам равишда уйидан қочиб кетаверган, қўшниларининг уйига ўғирликка тушган. Шундан кейин ота-онаси уни уйнинг бир хонасига қамаб, эшигига қулф осишган.
Аёлнинг айтишича, турмуш ўртоғи билан фарзандининг кундалик эҳтиёжларини қондириб, барча талаб-истакларини бажарган, аммо уни озодликка қўйиб юборишмаган. Айни пайтда эркакни руҳий касалликлар шифохонасига жойлаштириш чора-тадбирлари кўрилмоқда.
