Хитойда қариндошларининг ўрнига одам ёллаб, тўй қилган куёв қўлга олинди, деб хабар берди Lenta.ru нашри.
Тўйга келган келиннинг қариндошлари куёвни ҳеч ким танимаётганлигидан шубҳаланишди, тўйда куёвнинг ота-онаси иштирок этмагач, гумон баттар кучайди. Кейинчалик меҳмонларнинг ҳаммаси пулга ёлланган таксичилар, талабалар эканлиги маълум бўлди. Куёв нима учун ҳаммани алдагани ҳозирча номаълум. Келиннинг айтишича, улар уч йилдан бери таниш бўлиб, куёвнинг нимага бундай қилганини тушунмаган. Хитой ОАВларининг ёзишича, келиннинг ота-онаси куёвнинг қариндошларини камбағалликда айблаган. Шунинг учун у шундай йўл тутишга мажбур бўлган.
