АҚШда эгизак опа-сингиллар бир кунда, битта туғруқхонада, ёнма-ён палаталарда ўғил фарзандли бўлди, деб хабар берди Vesti.ru нашри.
29 апрель куни Нью-Жерси шаҳрида яшовчи 32 ёшли эгизаклар Даниэль Грант ва Ким Эйбрахамлар тўрт соатлик фарқ билан ўғил фарзандларни дунёга келтирди. Опа-сингил бир кунда фарзандли бўлиш учун сунъий тўлғоқ орқали 22 апрелда болали бўлишни режалаштиришган эди. Улар бир пайтда ҳомиладор бўлишлари тасодифий ҳол эканлигини, фақатгина туғруқ кунини белгилашганини таъкидлашди. Опа-сингиллар бир кунда дунёга келган фарзандларига Роман ва Арон деб исм қўйишди, уларнинг туғилган кунини бир кунда нишонлашга, бир хил кийим кийдиришга келишиб олишди.
