Ўзбекистон Давлат санъат ва маданият институти талабаси, ёш режиссёр Мухлиса Азизованинг қисқа метражли “У” (“Она”) номли фильми 70-Канн Халқаро кинофестивалига тавсия қилинди.
Бу ҳақда бугун Тошкентда бўлиб ўтган Кинематографияни ривожлантириш Марказининг очилиш маросимида маълум қилинди.
Мазкур фильм Канн кинофестивалининг қисқа метражли фильмлар бурчагида (Short Film Corner) кўплаб профессионал ижодкорларнинг асарлари қаторида намойиш қилинадиган бўлди. Мазкур маълумот Халқаро кинофестивалнинг www.cannescourtmetraj.com сайтида ҳам эълон қилинган. Бу эса мамлакатимиз кинематографиясининг яна бир улкан ютуғи ҳисобланади.
Кинематографияни ривожлантириш Марказининг олдига қўйган мақсад ва вазифаларидан бири айнан ёш ижодкорларни қўллаб-қувватлаш саналади. Шундан келиб чиққан ҳолда Марказ Мухлиса Азизованинг “У” фильмини суратга олишга кўмаклашди. Мазкур фильм Марказнинг илк лойиҳаларидан бири.
Мазкур фильм февраль ойида Тошкент шаҳрида суратга олиниб, унда актёрлар Раъно Шодиева, Карим Мирҳодиевлар билан бир қаторда россиялик машҳур актёр Дмитрий Дюжев ҳам суратга тушган.
8 май куни Рус академик драма театрида фильм тақдимоти бўлиб ўтади. Унга Дмитрий Дюжев ҳам ташриф буюради.
Канн халқаро кинофестивали 17 дан 28 майга қадар Францияда бўлиб ўтади. 2017 йилда кинофестиваль ўзининг еттмишинчи юбилейини нишонламоқда.
22.12.2021, 17:56
Бугун, 22 декабрь куни Киночилар уйида Ўзбекистон Кинематография агентлиги, Ўзбекистон Киноарбоблари ижодий уюшмаси томонидан анъанавий “Олтин Ҳумо” миллий кинотақдимоти бўлиб ўтади. Бу ҳақда "Darakchi.uz" мухбири...
21.07.2021, 17:46
Франциядаги маданий ва кўнгилочар жойлар энди фақат рақамли вакцина олганлик ҳақидаги махсус паспорт эгалари учун очиқдир, бу Президент Макрон томонидан мамлакатда универсал эмлашни таъминлашга қаратилган...
27.04.2021, 16:34
“Тирик сайёра” ҳужжатли фильми Кинематография агентлиги буюртмасига биноан “Ҳужжатли ва хроникал фильмлар киностудияси” ДУК томонидан тасвирга олинмоқда. Пойтахтимизда қад кўтарган Адиблар хиёбонида ҳайкаллари ўрнатилган шоир...
03.12.2020, 20:22
"Питер Пен ва Алисия мўъжизалар мамлакатида" (Қайтиш) фильмининг суратга олиш ишлари икки йил олдин тугаганлигига қарамай намойиш этилмаётган эди. Сабаби шу вақт ичида Бренд Чепман...
